Psalms 53
Tumtheih makaipa ading. Mahalath ▼▼ 0 Thulu: Tumtheihlam kammal khat zui-in. David phuah maskil ▼▼ 0 Thulu: Lailam ahikeh tumtheihlam kamzat hi kha ding khat.
1 Mihai in a lungsim ah,“Pasian om lo hi,” ci hi. c
Amaute a kisia uh hi-a a lampite uh siahuai-in,
a hoih a gamta khat beek a om kei uh hi.
2 Pasian in van panin d
mihing tapate ensuk a,
a theitel le Pasian a zong khatpeuh a om hiam, cih a en hi. e
3 A kua-mapeuh lampial khin a,
amaute a kisia khawm khin uh hi;
a hoiha gamta khat beek om lo-a;
khat nangawn a om kei hi. f
4 Mite in anlum a nek bangin ka mite valhin,
Pasian a sam lo siatna bawl mite in
sin ngei lo ding uh hiam?
5 Kihtak ding bangmah om lopi amaute a lau niloh uh hi. g
Nang hong sim mite guh Pasian in paithang a;
Pasian in amaute hua ahi manin
amaute na maizumsak hi.
6 Ehei, Israel hotkhiatna Zion pana hong paikhia lah ahi a!
Pasian in ama mite nopsakna a piak kik ciangin
Jacob nuam henla, Israel kipak hen!
Copyright information for
ZomZIV